TEMBIAPORÂ

OÑP, oiko ypy guive oipyhyva'ekue hembiaporãveramo omoñepyru, omohenda ha oipytyvõ mba'apohára okaraygua ha tavaygua jepytaso ohekáva ohupyty opa añetehapegua imba'éva ha hembipota ijajéva, upévare oheka omongakuaa ñopytyvõreko omba'apóva ñemongu'e ndive, tuichaichave hagua ko'ẽre tekojoja, ñañangarekóvo taheko jehegui akói ñande atyha ha ñamba'apo imbarete hagua tembiapo joajúre opaichagua mba'apohára pa'ume, jahupyty hagua pe yvy ñeme'ẽ añete ha oñemyatyrõ haguáicha ñande rekove.

 

OPÑ REMIANDU

Mba'apohára reheguáva: ojepytaso tapia haguére mba'apohára okaraygua ha tavaygua remiekotevẽre ha imba'e añetévare. Ha upe ijepytaso oguereko tembiapo tenondeguáramo ñemongu'e, ñemboaty atã ha mayma mba'apohára, kuña ha kuimba'éva, okaraygua ha tavayguáva, ohupyty haĝua imba'éva. Tekojojareko: OÑP oguereko hemimo'ãngáramo opavave ipypegua mamo ijatyatyhápe omba'apo jojáramo peteĩ ñe'ẽme, oñemboyke'ỹre avavépe. Upéicharômante ikatu ja'e ñandejehe jaiko tekojojarekópe.

Tekojehegui: OÑP noñeñapytĩri mba'eveichagua partido polítikore, ni tetã rekuáire ha upéicha avei umi tupã reroviaha atyháre. Chupe ĝuarâ, opaite mba'apohára, kuña ha kuimba'éva, okaraygua ha tavayguáva, oñemboaty ha oñemongu'eva'erâ ijehegui, ha'e ae. Ohupyty oikotevẽva omba'apo haĝua ha'e voí,. Ndohejái avavépe (partido político, Estado, tupâ reroviaha atyha, taha'e ha'éva) omoinge ipo mba'apohára atyha rekovépe.

Ñopytyvõreko: OÑPpe ĝuarâ, pytyvõreko ha'evoi peteĩ mba'e yvypóra ha mba'apohára rehegua ha omba'apóva apytépe, kuña ha kuimba'éva, ndaipóri mba'érepa oĩvo joavy, taha'e pirére, tupã reroviáre, terâ mba'éichapa hemiandu rehe. Oñopytyvõ opavave mba'apohára ko yvy arigua ndive, nombyaírima guive upéva hemiandu, hekorã ha ijatyha.